व्यवस्थापकको प्रतिवद्धता

एकका लागी सबै र सबैका लागी एक भन्ने मुलमंत्रलाई आत्मसाथ गर्दै प्रत्यक व्यक्तिको आर्थिक, सामाजिक तथा साँस्कृतिक विकास गर्न सहकारीमात्र एक मात्र बिकल्प हो भन्ने बुझेर २०६४ सालमा यस सहकारी संस्थाको स्थापना भएको हो । संस्थाको स्थापना भए देखिनै निरन्तर रुपमा संस्थामा आवद्ध भएका सदस्यहरुको आर्थिक, सामाजिक तथा साँस्कृतिक विकासमा महत्वपूर्ण योगदान गर्दै आएको छ ।

यस संस्थाले सदस्यहरुलाई वचत गर्न सिकाउँदै सदस्यले गरेको बचत सदस्यहरु मार्फत सदस्यहरुकै आय आर्जन बढाउने कार्यमा परिचालन गर्दै आएको छ । संस्थामा आवद्ध सदस्यहरुलाई सिप विकासमा जोड दिँदै दक्ष जनशक्ति तयार गर्न योगदान गरिरहेको छ । सदस्यहरुलाई उत्पादनमुलक व्यवसायमा लाग्न प्रेरित गर्दै वस्तुको उत्पादन, प्रशोधन र बजारीकरणमा संस्थाले प्रत्यक्षरुपमा सहयोग गर्दै आएको छ । यसबाट सदस्यहरुको विचमा रोजगारको वाताबरण तयार हुँदै गएको छ । सदस्यहरु विस्तारै समृद्धिको मार्गमा अघि बढिरहेका छन् । सदस्यहरु आत्मनिर्भर बन्दै गएकाछन् ।

  समुदायमा आधारित सम्पूर्ण वित्तिय समाधान सहितको उत्कृष्ट सहकारी भएको अवस्था भएको परिकल्पना को साथ मैले यस संस्थाको नेतृत्व गर्दै गर्दा संस्थालाई दक्ष जनशक्तिका साथ प्रविधियुक्त संस्थाको रुपमा विकास  गर्दै लैजाने क्रममा छौं । सहकारी संस्थामा सदस्यहरुको आवश्यक्तालाई मध्यनजर गर्दै अनेकौं सेवा सुविधाहरुको विकास गरी कायान्वनयमा ल्याएका छौं । भक्तपुरको पूर्वी भेगको सूर्यविनायक नगरपालिका वडा नं. १० स्थित सिमल्टारमा आफ्नै  भवन निमार्ण गरी सोही भवनबाट  वित्तिय सेवा  प्रदान गर्दै आएका छौ  ।  संस्थाको स्थायित्व, सुरक्षा र दिगो विकासको आधार समयानुकुलको नीति हो भन्ने कुरालाई स्थापीत गरेका छौं । 

२०६४ साल देखी हाल सम्म संस्थाको बृद्धि विकासमा रचनात्मक तथा सकरात्मक भुमिका निवार्ह गरी संस्थालाई हालको उचाईमा पुर्याउन महत्वपुर्ण योगदान पुर्याउनुहुने सवैमा हार्दिक आभार व्यक्त गर्दै सहकारीका माध्यमबाट दिगो विकास र आत्मस्वाभिमान सहितको आत्मनिर्भर समाज निमार्णमा निरन्तर सहयोगको अपेक्षा गर्दछु ।

संस्थालाई पहिलो रोजाईको संस्था बनाउने प्रयासस्वरुप सदस्यहरुको सन्तुष्टि र गुणस्तरीय सेवा प्रदानलाई प्राथमिकतामा राख्दै सोही अनुरुप व्यवस्थापन प्रणालीलाई विकास गर्दै लगिएको छ । अझै प्रभावकारी व्यवस्थापनको लागि सम्पूर्ण सदस्य तथा शुभचिन्तकहरुमा रचनात्मक सल्लाह सुझाव प्रदान गरी मार्गनिर्देशन गरीदिनुहुन अनुरोध छ ।  संस्था संचालन प्रक्रियालाई जिवन्त रुप दिन संस्थामा कार्य गर्ने सिंगो व्यवस्थापनको क्षमता चुस्त,दुरुस्त, पारदर्शि, लगनशिल र सिकेका सिपहरुको कार्यान्वयनमा ध्यान दिई उत्पादकत्व वृद्धि गर्न सक्षम हुनुपर्दछ । आजको यो प्रतिस्पर्धात्मक र उत्कृष्टताको समयमा संस्थाको फराकिलो सोचलाई पूरा गर्नको लागि निश्चित रुपमा सिमल सोकोसको व्यवस्थापन निक्कै नै सक्षम, गतिशिल, प्रभावकारी र आधुनिक हुन जरुरी छ भन्ने कुरामा सचेत रहंदै हामि सम्पूर्ण कर्मचारीहरु सदैव संस्थामा आवद्ध सदस्यहरुको आवश्यकता र सन्तुष्टिमा केन्द्रीत भई गुणस्तरीय सेवा सुविधा सहज रुपमा उपलब्ध गराउन प्रतिवद्ध छौं ।

मोतिराम खाताखो

व्यवस्थापक